Cagafta Dawada hoose ee duminaysay Guryaha iyo wadhatada jidka ku dhaw ayaa ku soo beegantay......
Hargeisa (GNS)-Dawlada hoose ee Hargesia oo wali sii wada duminta iyo Barakicinta Ganacsatada yaryar ee Tukaanadda, Makhaayadaha, hudheelada iyo Dadka kaaryoonka wax ku dul iibiya Olole balaadhan oo Todobaadkii hore ay iska kaashadeen Wasaarada Arimaha gudaha Somaliland iyo Dawlada hoose ee Hargeisa ayaa Ka socda Caasimada Somaliland kaasi oo la sheegay in lagu Qurxinayo isla markaana lagu banaynayo jidadka Magaalada Hargeisa.
Subaxnimadii hore ee Saaka ayaa Gawaadhida Cagafta dawlada hoose Dumiyeen Barandayaasha Hudheelada Barriga suuqa Magaalada hargeisa halkaasi oo Cagta mariyeen Taangiyada Biyaha ee hor yaala Xamaamyada lagu maydho iyo dukaamo yaryar oo dad danyar ahi ku ganacsan jireen.
Hawlgalkan Dawlada hoose ayaa ah mid si gaar ah Awood u saaraya Danyarta halka Dadka Maalqabeenada ee Jidadka sida tooska ah ugu jira aan Waxba laga dumin habayaraatee kuwaasi oo laga Qaado lacago laaluusha oo ka joojinaya Ololaha dawlada hoose ee dhinaca ka raran.
Dhacdo aad ulayaab badan oo Saaka Subaxdii hore ka dhacday Suuqa waaheen taasi oo ka yaabisay dad badan Danyar ah oo laga Raray Suuqaasi isla markaana loo diiday intaa taako jidka soo galaan.
Cagafta Dawada hoose ee duminaysay Guryaha iyo wadhatada jidka ku dhaw ayaa ku soo beegantay Gidaarka Wayn Daarasalaam Super Market qaybta Woqooyi oo dhawaan lagu kordhiyay dhisme hore usoo galay jidka, kaasi oo markii inyar loo soo jiro ay wada hadleen Masuuliyiinta Dawlada hoose iyo Mulkiilaha Fooqa Daarasalaam isla markaana laga weeciyay Cagaftii ka dib markii uu ku Wareejiyay Xaajiyad Cusub oo Laaluush ah taasi oo markii ay furihii ka qaateen ayay iska laabteen, maaha markii ugu horeysay ee Ciidanka ka Amar qaadanaya Dawlada hoose laga leexiyo Jid banaynta dadka qaar ku dhacaysa iyada oo hore looga baydhay Barandaha Wayn ee Cadaani oo ku yaala Badhtamaha Jidka Wadnaha Magaalada Hargeisa.
Arintan ayaa noqonaysa Khiyaamooyinka Qaran ee ay ku Talaabsanayso Dawlada hoose ee Hargeisa isla markaana bulshada danyarta ah iyo Xukuumada ku kala fogaynayso.
Waa kii Abwaan Xasan Daahir Weedhsame lahaa
Sharcigan wadhatada ganaaxa
Wasiirkana gool u looga
Sharcigan gabay maatadiisa
Af-miishaarkana gunneeya
Sharcigan kii galay abaalka
La gawdhshee gebagebeeya
Sharcigan lagu guulwadeeyo
Sharcigan uu gado macdaarku
Sharcigan geneyoow agoonta
Gidaar seexshee gumeeyey
Sharcigan kii ginida haystay
U siiyey dan-guud badheedhka
Sharcigan nabadana u guuxa
Wixii gubayana jideeya
Sharcigan beentuna gef weyntay
Runtana gurigeeda biiyey
Sharcigan dadka lagu gabraarto
Dantoodana dhacan ku giijay
Sharcigan geerida ka ooya
Haddana noloshii galaaftay
Sharcigana gaarida ammaana
Goonbaartuna derejo dhaanto
Sharcigan dusha laga gudboonyey
Salkana lagu kala gol-roonyey
Sharcigan booliga gasiinta
Xalaashana tola galkeeda
Sharcigan geed weyn ka soomay
Gudmaha yacaygana u haysta
Sharcigan horumarka gardaadsha
Haddana himiladu gamaarto
Sharciga guushana u heesa
Haddana aan dhalinin goolka.
Sharciga saddex gole ka kooban
Haddana guri qudhi istaadho
Sharcigan kud markaad ka guurto
Qanjaha loo galab carraabo.
Sharciga jajabkii gumaaday
Sharciga gabankiisa toogta
Sharciga ii qoda gammaada
Sharciga galladiyo abaalka
Rasaas ku gudee la eeday
Sharciga garanwaaga beera
Sharciga gofanaha barbaarsha
Sharciga gudhan ee gabloolay
Bal eeg goldalooladiisan
Inaad garataa canaantay.
Sidii saca giir dadweyne
Gondaal lagu sabo la eedye
Hadduu dadku kuu garsheegto
Hadduu tabashada gadoodo
Garwaaqisigu waa sed weyne
Gunuuskiyo yuuska jooji.
Dadkoo gofanuhu ka haagay
Wax-qabad gaanana sugaaya
Jihayn iyo talo u goomman
Hadduu gurgurshaa ku moodo
Hadduu aamino goshaada
Intuu soo guro caleemo
Hadduu ubax kugu gedaamo
Guddoon ku idhaa hankiisa
Ha odhan wada gebi-dhacleeya
Ha odhan wada gala siyaasad
Ha odhan wada kala go’dooma
Ha odhan jilib jilib u goosta
Ha odhan wada gura xashiishka
Ha odhan guddi baan u saaray
Gebliyo ha u tumin ciyaaro
Ka daa geesaas la oyga.
No comments:
Post a Comment