Kerry Iyo Hague Oo Kawada Hadlay Arrimaha Soomaaliya
London, February 27, 2013 (W.Wararka) - Johne Kerry Xoghaya Arimada Dibada Mareykanka Iyo Dhigiisa Ingiriiska William Hague ayaa ka wada hadlay Arrimaha Soomaaliya, iyagoo isla soo hadal qaaday xaladaha dalalka Maali Iyo Soomaaliya, waxaanay ka wada hadleen sidii looga hortagi lahaa halista Kooxaha Islaamiyiinta ah ee ku sugan qaarada Afrika gaar ahaan Soomaaliya.
Wasiirka Arrimaha Dibada Ingariiska Williuma Hague ayaa dhigiisa Mareykanka Johne Kerry uga Warbixiyay Shirkii London ee Hogaamiyaasha Soomaalida loo qabtay sanadkii hore, waxeeyna Labada Masuul ay sidoo kale isla soo hadal qaadeen dar dargelinta wada hadalada Soomaaliya loo qabanayo. Sidoo kale labada masuul waxeey Isla garteen taageerida howlgalada lagu baacsanayo Kooxaha Islaamiyiinta ah ee Ka dagaalamayo Dalalka Maali Iyo Soomaaliya, waxeyna Masuuliyiintaasi sheegeen in Soomaaliya ay ka taageeri doonaan qeybaha kala duwan ee ciidamada sida kuwa Militariga iyo Boliiska, Ilaalinta Xuduudaha ,Cadaalada Iyo weliba Dhinaca Dhqaalaha sida lagu daabacy Barta ay Wasaarada Arrimaha Dibada Mareykanka Ku leedaha Intrneetka. Dowladda Ingariska ayaa la filayaa in Magaalada Landon ay markale Ku Martigeliso Shir looga hadlayo Arrimaha Soomaaliya, iyadoo horay uqabaty shir kan Lamid ah sanadkii hore.
No comments:
Post a Comment