TACSI: MAXRUUM CABDI WARSAME ISAAQ
Geeridu waa xaq, waana mid la hubo in qof waliba dhadhamin doono, haddana waa naxdin iyo murugo. Waxaan tacsi u dirayaa xaaska, tafiirta, walaal, waalid, ehelka kale, asxaab, qaraabo, xidid iyo xigaalka Marxuum Cabdi Warsame Isaaq meel kasta ooy joogaan. Marxuumka waxa lagu aasay London, U.K 13/09/2011
Cabdi waxuu ahaa nin naxariis badan iyo bulshaawi waji furan. Alle waxaan uga baryayaa inuu naxariistiisa ugu deeqo janatul fardows, inagana ina waafajiyo duco, iyo samir. Aamiin.
Marxuum Cabdi Warsame Isaaq wuxuu dadka Soomaaliyeed ku leeyahay taariikh aad u dheer oo noloshiisa inta badan soo qabtay xilal qaran.
Marxuum Cabdi Warsame Isaaq 1970kii -1988 wuxuu qabtay xilaal Wasiir oo kala duwan haba u badnaatee Wasarradii Shaqada iyo Isportiga iyo tii Madaxtooyada. Marxuum Cabdi waxa uu ahaa ninka keliya ee Golahii Kacanka ka tirsanaa ee haddana ka qayb qatay halkankii jabhadaha. Waxuu madax u noqday jabhaddii SSNM ( Southern Somali National Movement) oo ahayd jabhad la mataanowda Jabhaddii SNM ee dhalisay Jamhuuriyadda Somaliland.
Waxaan Xaaskiisa, intii uu dhalay, intii la dhalatay iyo guud ahaan Ummadda Somaaliyeed Eebe uga baryayaa inuu ka siiyo samir iyo imaan isagana ka yeelo kuwa dhaxla janatul fardows. Aamiin.
Axmed Xasan Carwo
La-taliyaha Madaxweynha Somaliland ee
Dhaqaalaha, Ganacsiga iyo Maalgashiga.
samotalis@gmail.com
http://www.facebook.com/hodan.rani#!/pages/Ahmed-Arwo/246544372035127
No comments:
Post a Comment