M/weyne Rayaale oo xil Wasiirnimo u magacaabay Guddoomiye-xigeenkii hore ee Komishankii is-casilay

M/weyne Rayaale oo xil Wasiirnimo u magacaabay Guddoomiye-xigeenkii hore ee Komishankii is-casilay

Hargeysa (Somaliland.Org)- Madaxweynaha Somaliland Daahir Rayaale Kaahin, ayaa xil Wasiiru-dawlenimo u magacaabay Guddoomiye-xigeenkii hore ee Komishankii hore ee is-casilay.

Sida lagu sheegay Warsaxaafadeed uu ku saxeexnaa Afhayeenka Madaxweynuhu, Madaxweyne Rayaale wuxuu guddoomiye-xigeenkii hore ee Komishankii Doorashada ee is-casilay Cali Maxamed Cabdalla (Biikalo) u magacaabay xilka Wasiiru-dawlaha Wasaaradda Maaliyadda.

Warsaxaafadeedkaas koobani wuxuu u dhignaa sidan;

"Madaxweynaha Jamhuuriyadda Somaliland, Mudane, Daahir Rayaale Kaahin, ayaa maanta Magacaabay Wasiiru-dawle cusub Wasaaradda Maaliyadda.

Madaxweynuhu isaga oo tix-raacaya qodobka 90-aad ee dastuurka Somaliland, isla markaana tixgeliyay ahmiyadda weyn ee Wasaaradda Maaliyaddu u leedahay dalka iyo dhismaha Qaranka, wuxuu go'aansaday in Mudane, Cali Maxamed Cabdalla (Biikallo) laga bilaabo taariikhda maanta uu ahaado Wasiiru dawlaha Wasaaradda Maaliyadda ee Somaliland."

Somaliland.Org

Hargeisa News Desk

wararkasomaliland@gmail.com