Wasiir Xagla-toosiye Oo Sheegay In Wasaarada Dib U Dejinta Uu Hoos Keenay Gargaarka WFP Iyo Waaxda Samafalka
Wasiirka dib u dejinta Xaglotoosiye oo maanta ka hadlayey xarunta Golaha Wakiilada oo...........
Hargeysa (GNS) - Wasiirka wasaarada dib u dejinta Somaliland Saleebaan Ciise Axmed Xagla-toosiye, ayaa sheegay in wasaaradiisa uu hoos keenay gargaarka hay'adda Qaramada Midoobay u qaabilsan cunada ee WFP iyo maamulka hay'adda samafalka oo hore u hoostagi jirtay xarunta Madaxtooyada . Wasiirka dib u dejinta Xaglotoosiye oo maanta ka hadlayey xarunta Golaha Wakiilada oo lagu ansixiyay jagadiisa wasiirnimo , ayaa sheegay in hada labadani hay'adood ay si toos ah u hoos tagi doonaan wasaarada .
"Waxa aanu ku guulaysanayay in aanu wasaarada hoos gaynayo labad hay'adood oo waaweyn, hay'adda samafalka oo Madaxtooyada hoos tagi jirtay iyo hay'adda WFP oo ah hay'ad madaxbanaan , qorshahayagu waxa weeye hay'addaha kale in ay tallaabadaa oo kale qaadaan" ayuu yidhi .
Waa markii u horeysay ee wasaarada dib u dejintu la wareegta barnaanijyada gargaarka ah ee hay'addaha samafalku dalka fuliyaan.
No comments:
Post a Comment