Xubno Ka Tirsan Dhalinyarada Deegaanka Boorama Oo La Sheegay Inay Wadaan Olole Ka Dhan Ah Xisbiga Udub, Kuna Soo Dhawaynayaan Xisbiga KulmiyeBoorama-(Lug)-Warar la isla dhexmarayo ayaa sheegeya in qaar ka mid ah dhdllinyarada degaanka Boorama ay tan iyo toddobaadkii ina soo dhaafayba ku hawllanyihiin olole siyaasadeed oo ka dhan ah xisbiga UDUB oo ay ka tirsanayeen, kuna soo dhawaynayaan xisbiga mucaaradka ah ee Kulmiye si ay ugu biiraaan xisbigaasi. Sida ay sheegeyaan warar aan la xaqiijin, kooxahan dhallinyarada ah kanasoo jeeda beelaha J/yoonis (samarroon) ee degaanka Boorama ay la sheegeyaa inay ololahaasi ka wadaan magaalooyinka Hargeysa iyo Boorama iyagoo inta badan kulammo aan sidaa u weyneyn la yeelanaya dhinacyada kale ee taageerada weli siiya xukuumadda iyo xisbiga UDUB, inta badanna isku dayaya inay ka dhaadhiciyaan sida ay xuquuq badan ugu waayeen kursiga madaxweyne Rayaale, loogana sedburiyey shakhsiyaadka iyo siyaasiyiin kasoo jeedda beelaha kale ee reer Awdal ama reer Somaliland ee qaarkood kasoo horjeedeen xisbigaasi wakhtigii doorashada madaxtooyada 2003dii, sidaa darteedna ay doonayaan inay saaxiibadooda ku qaNciyaan isbeddel siyaasadeed oo xisbiyada kale ee ku badhi taalaan codkooda wakhtiga la gaadho doorashada, beddelkeedana ku helaan xuquuq badan oo sida la sheegay ay ka tabanayaan xukuumadda Rayaale, sida xilalka shaqo, kuwa maamul iwm. Inkastoo oo aanay ilaa imika cid ka mid ah dhallinyaradaasi oo si rasmi ah uga hadashay waxa la sheegeyo, balse ilo ku dhow dhallinyaradaasi, iskoodna uga xoogsada magaalooyinka Boorama iyo Hargeysa ayaa la sheegeyaa inaysan weli ku guuleysan meelmarinta hindisahaasi, isla markaana aanay weli ka gudbin caqabadaha ay weli la hortaagan yihiin taageerayaasha isla beeshaasi ee xisbiga UDUB, qaar badan oo ka tirsan isla beeshaasina ay weli ku sasabayaan kooxahani inay joojiyaan olohahan, hase yeeshee uma muuqdaan kuwa sida la sheegeyo u dhegtaagaya talooyinka kaga imanaya saaxiibadoodii hore. Wararkan oo aanay jirin cid kasoo jeedda dhallinyarada beeshaasi oo xaqiijisay ama beenisay waxa ka jira arrimahan ayaa sidoo kale la sheegeyaa in kooxahani la magacbaxeen "isbeddeldoonka dhallinyarada beesha J/yoonis ".isla markaana ay xidhiidh wada yeesheen xisbiga Kulmiye balse aan la ogeyn heerka uu xidhiidhkoodaasi gaadhsiisan yahay, maadaama qaar ka mid ah dhallinyaradani xisbigaasi mucaaradka ah lasoo galeen dagaal siyaasadeed oo ka dhan ah xisbiga Kulmiye wakhtigii doorashooyinka madaxtooyada 2003dii. Sida ay sheegeyaan wararkaasi dhaqdhaqaaqyadan siyaasadeed ee kasoo cusboonaaday beesha dhexdeeda ayaa la tuhunsan yahay inay la xidhiidhaan warar wakhtigii dalka ay ka jireen qalallaasaha siyaasadeed, afar bilood ku dhawaad ka hor la sheegay in waxgarad ka tirsan beeshaasi ay madaxweynaha kula taliyeen inuu xilka ka dego balse warkaasi oo muran badan ka dhex dhaliyey beesha, isla markaana aan farta lagu fiiqin ciddii ka dambaysay, lagana yaabo in ololahani haddii uu jiro iyo haddanu jirinba uu mar kale siyaasiyiinta iyo waxgaradka beesha ka dhex abuurro guux, dood iyo muran hor leh oo laqa yaabo inay beeshu ku kala qaybsanto taageerada iyo diimada xisbiga UDUB. maadaama xubnaha ololahan wadaa ka mid ahaayeen dhallinyaradii xisbiga UDUB ugu firfircoonayd hadda ka hor.Beelaha J/yoonis ayaa sida la ogyahay waxay ka mid yihiin ardaayada beelaha samarroon ee weligoodba taageerada xoogga leh siiya xukuumadda Rayaale , sidaa darteedna isbedelka siyaasadeed ee eegga laga soo sheegayna uu yaab iyo amakaag ula ekaan doono qaybo ka mid ah dadweynaha. Source: Mohamed Hyena Lughaya News |
14 December, 2009
Dhalinyare katirsan ardaaga Rayaale oo Dhawaan lafilaye inay Kulmiye ku soo biiraan
__._,_.___
OGAYSIIS::- Fadlan anshaxa golaha ilaaliya // Ha soo dirin email aflagaado ah // isku day email kooban oo wax laga korodhsado // due to limited space::- emailka aad u jawaabayso dib ha u soo dirin // emailkaaga laba jeer ha soo dirin
MARKETPLACE
.
__,_._,___
Subscribe to:
Post Comments (Atom)
No comments:
Post a Comment