AYAAMAHA BARAKEYSAN IYO CIMRADII XARAMKA-2
Ahmed Arwo
La-taliyaha Madaxweynha ee Dhaqaalaha
Ciid mubarak. Ciid wanaagsan oo wacan. Alle heynaga
yeelo kuwa barakada ciidda naarta laga xoreeyey. Alle ha ka yeelo maalinta
ciidda maalin mudo dheer inagu soo noqota inagoo nabad iyo caafimaad iyo
naruuro ku sugan. Amiin.
Maqaalkii
hore waxaynu ku sheegnay socdaalkaan ku cimreystay iyo dareenka Xaramka Makkah. Waxaan halkii ka sii wadaya warbixinta Xaramka oon ka eegi doono maamulka Xaramka iyo horumarka
dhinaca aqoonta iyo farsamado ay raad ku yeelatay.
Fiiro gaar ah: bal sawirkan oo ah masjidku sida uu ahaa qarnigii 19naad ag dhig sida uu maanta yahay iyo sawirka ku jira maqaalkii hore. Waa Alle mahadii oo xili walba waxuu ahaa mudanka qarniga uu joogo. Waa meel barakaysan oo Alle ilaalinaayo.
Waxa
culumada seynisku ay cadeeyeen in Makkah ay tahay badhtanka adduunka inta
dhulka ah. Taas mecnaheedu waxa weeyi inay tahay badhtanka inta aadmigu ku
noolyahay kolka badaha laga saaro. Waa arrin xaqiijineysa doorashada Alle u
doortay inay noqoto meesha Kabcada laga dhiso ooy aadmigu dhammaan u soo
jeestaan kolka ay gudanayaan waajibka salaadda. Kolka aad Kabcada u dhowaato,
waxaad arkaysaa moojadu dad ah oo ku wareegsan kabcada oo kolka halkaas laga bilaabo ilaa
dhammaadka dunida si wareeg ah isu dabotagan. Waxa maskaxdaadu sawireysaa in ruux
kasta oo halkan joogaa uu dabo joogo oo uu ku beehgan yahay ruux kale oo midba
mid ku sii dabo began yahay ilaa aad aragto dunidii oo dhan oo halkan is
dabojoogta oo midba mid dabo joogo. Waa dareen si gaar ah ii taabtay oon muddo
ka fakiraayey. Subxaanalaa wa bi xamdihi. Subxaanalaa wa cisatihii.
Subxaanalahaa Alcadiim.
MAQALKA IYO SAMEECADAHA
Taas
waxa ii raacay maqalka meel kasta ood joogto aad tashuush la’an u maqlayso si
isku mid ah. Waxa lagu qiyaasaa
sameecadaha (speakers) ilaa 6000 haddana mid tashuush ah amba dhawaaq kala
duwan ma jirto. Waa farsomo sare oo si habsami ah loo dhigey loogana shaqeeyo si
joogta ah 24/7 . Bal taas barbar dhig Tviyada Soomalida een barnaamajba kan
kale aanu la dhawaaq ahayn ee midna dhehgaha kaa qaadaayo midna aadan maqlayn. Xaramku waxuu leeyahay wershad laydh oo u
gaar ah iyo mid keyd ah. Waxay Sameecad waliba leedahay beetari u gaar ah iyo
mid keyd ah. Waa farsamo aan adduunka meel kale la wadaagin. Waxa la raaciyaa
inuu soo labeeyo masjidka nabiga ee Madina oo isagu leh 3000 sameecadood. Wax
labadooda u dhow addunka laguma hayo. Waana mid wax badan ay ka qoreen
Injiineerada dhinaca codka ee adduunku. (Sound Engineers)
Balaadhinta Xaramka
Waxa socda balaadhintii afraad oo Boqor Cabdulle hirgelinaayo si
masjidku u qaado ilaa 2.5 milyan oo qof.
Qaybta balaadhinta dhinaca waqooyi oo bilaabantay 2011 waxay
dhammeystirmeysaa dhammaadka 2013, Baaxadda masjidka oo hadda 356,000 m2 (3,830,000
sq ft) waxay noqon doontaa ilaa 400,000 m2 (4,300,000
sq ft). Waxa lagu kordhin doonaa albaab loo bixiyo Boqor Cabdulle ( King
Abdulle Gate) iyo laba minaaradood taas oo ka dhigi doonta 11 minaaradood. Khrashka
ku bixi doonaa waa $10.6-billion . Waxa
iyana la balaadhin doonaa baaxadda lagu wareego ee Kabcada, iyadoo inta deyran
oo dhan lagu xidho doono nidaamka qaboojinta
( Central Aircondition)
Biyaha
Zamzamka
Biyaha Zamzamku waxay
ka soo baxaan ceel u jira 20 m Kabcada kana xiga dhinaca bari. Waxa ciilku ka soo jeedaa xiligii Nabi Ibraahiim oo Nabi Ismail ku dhashay meel oomana ah engegan haraadkii uu cagta dhulka la
dhacayna biyahu ka soo boodeen. Waxay ka horeysay dhalashadii Nabi Ciise 2150
sano taas oo ka dhigeysa inta uu jiray 4162 sano maalin kaliyana biyahaasi mey
joogsan. Waa mujiso Alle uu siiyey Xaramka iyo hadiyad aan cid kale bixin karin. Waa mid Islaamkoo dhami mahadiyey.
Masjidku waxuu leeyahay iimaamo tiro ah, si loo helo mar walba nin masuuliyaddaas sare qaadi karo oo goobjoog ah.
Iimaamada Xiligan waxay kala yihiin:
§
Sheikh Dr. Saud Al-Shuraim (سعود بن إبراهيم الشريم), judge at the Mecca High Court and Deputy Chief of imams at Masjid
al-Haram
§
Sheikh Abdullah Awad Al Juhany (عبدالله عواد الجهني), appointed in July 2007 after serving for taraweeh prayers during
Ramadan starting from 2005
§
Sheikh Dr.Khalid Al Ghamdi (خالد الغامدي), appointed after Hajj 2008
§
Sheikh Faisal Al Ghazzawi (فيصل غزاوي), appointed after Hajj 2008
Mu’adiniinta
Waxa Eedaanka u xil saran qoysas ka soo jeeda reero magac leh oo
kala ah Mulla, Shaker, Rayes, Al
al-Abbas, Hadrawi, Basnawi, Khouj, Marouf and Feedah. Qoysaskani qaarbaa boqolaal
sano hayey hawshan sida Al-abas oo ka soo jeeda ‘Abbas ibn ‘Abd al-Muttalib,
nabiga adeerkii.
Tiro ahaan waa 16 Mu’adin Ramadaanta waxa lagu kordhiyaa 6 kale.
Haddaba wax kaleba Sacuudi ha lagu cananto bal se marna lagu
sheegimaayo inay hagradeen ilaalinta, kobcinta iyo qurxinta Masaajidda Alle u
doortay dalkooda iyo inay u fududeeyaan xujeyda iyo Islaamka habeeen iyo
dharaar martida Alle ku ah Makkah iyo Madiina. Iyadoo ammaanka la adkeeyey ayaan
haddana wax culays ah aadan dareemeyn, waayo daaha dabadiisa iyo farsamo
cilmiyeysan ayaa ammaanka loo sugaa, ee ma aha nin qori la cararaaya iyo mid
toori jeeni qaaran tooni meel ay wax ka tari karaan.
Xataa xiligii argagixisadii Juhayman iyo colkiisi 1979 oon
xiligaas anoo France ka imid Cimro ku imid oon isla ayaamihii dib loo furay
oonu ahayn dad ilaa 200 ah aanu ku dawaafaynay maan dareemin culus dhinaca
askarta iyo ammaanka ah. Waana mid aan mar walba ku qiimeeyo xukuumadda
Sacuudiga.
Inagoo soonkii ramadaan dhammeysanay oo Axadda ay ciid tahay, aan
idinku dhaafo Ciid Mubaarak iyo is-cafin, iyo qalbi furan. Mar walba aan ku
ducaysano in Alle hogganka inoo ilaaliyo oo Alle tubta toosan ku sugo, kuna
garab galo xaqqa iyo ka fogaanshaha dulmiga iyo waxii bulshada xumaan u
keenaaya. Waa duco masaajidda dalkani ay laasimeen, iyagoo madaxda islaamka
guud ahaan sidaas ugu duceeya, si gaar ahna kuwa dalkooda. Runtii waan u bogay
midhkaas.
La soco qaybta seddexaad iyo gunnaanad.
La soco qaybta seddexaad iyo gunnaanad.
Ciid Mubarak wa kuli caam wa intum bil kheyr.
Mahad Alle iyo nabaadiino.
Mahad Alle iyo nabaadiino.
Ahmed Hassan Arwo
La-taliyaha Madaxweynaha ee
Dhaqaalaha, Ganacsiga iyo Maalgashiga
No comments:
Post a Comment