War dedeg Ah:Golaha Guurtida oo goor dhawayd Cod ku meel mariyay Xeerka....

War dedeg Ah:Golaha Guurtida oo goor dhawayd Cod ku meel mariyay Xeerka Furashada Ururada Siyaasadeed

Fadhigii Caadiga aan ahayn ee Golaha Guurtida uga socday Xaruntooda Maalmahan ayaa Waxa Lagu Ansixiyey Xeerka Furashada Ururada ee Dhawaan ay ansixiyeen Golaha Wakiiladu.

Fadhigan oo uu shir guddoominayay Gudoomiye ku xigeenka Koowaad ee Golaha Guurtida Sh/Axmad Sh/Nuux Fureh  waxa ka soo xaadirey 53 Xildhibaan  waxa u codeeyey Ansixinta iyo Ogolaanshaha Xeerka Furashada ururada 33 Mudane waxaa Diidey 15 Mudane waxaana ka aamusay 4 Xildhibaan Gudoomiyuhun muu codayn.

Sidaasaanu ku ansaxay Xeerka Furashada Siyaasada waxaanu hadda wixii ka danbeeya wuxuu u gudbayaa Madaxweynaha Jamhuuriyadda Somaliland si uu u saxeexo dhaqan galkiisu.

Warqabadka ToggaHerer
Hargeysa